ДЭМБ-ын дэмжлэгтэйгээр ЭМЯ, ХӨСҮТ, Монголын эх барих, эмэгтэйчүүдийн эмч нарын холбоо хамтран Улаанбаатар хот, аймгуудын жирэмсний хяналтын тусламж, үйлчилгээ үзүүлдэг эрүүл мэндийн байгууллагуудад Эрүүл мэндийн сайдын 2019 оны А/614 дүгээр тушаалаар батлагдсан “Эхээс хүүхдэд ХДХВ, гепатит В вирус болон тэмбүүгийн халдвар дамжихыг зогсоох журам”-ын хэрэгжилтэд үнэлгээ хийх, эмнэлгийн мэргэжилтнүүдэд арга зүйн зөвлөгөө өгөх, дэмжлэг үзүүлэх сургалтыг зохион байгуулж байна.

Үнэлгээнд ЭХЭМҮТ, Өргөө, Хүрээ, Амгалан амаржих газар, төрөлжсөн мэргэшлийн эмнэлгүүд, Баянгол, Баянзүрх, Сонгинохайрхан, Сүхбаатар, Чингэлтэй, Хан-Уул дүүргийн Эрүүл мэндийн төв, 18 өрхийн эрүүл мэндийн төв, 2 хувийн хэвшлийн эмнэлэг зэрэг нийт 30 байгууллага хамрагдаж байна.

“Эхээс хүүхдэд ХДХВ, гепатит в вирус болон тэмбүүгийн халдвар дамжихыг зогсоох” хоёр өдрийн танхимын сургалтыг УБ хот, орон нутгийн эмнэлгийн мэргэжилтнүүд хамрагдаж байна. Гурвалсан халдварын чиглэлээрх энэхүү сургалтыг 2023 оны 1 дүгээр сарын 31, 2 дугаар сарын 01-ны өдрүүдэд цахимаар зохион байгуулсны дараа сургалтын хөтөлбөрийн дагуу заасан хичээлийн сэдвүүдийг цахим хуудсанд байршуулан нийт эмч, мэргэжилтний хүртээл болгох юм.