Сүрьеэтэй тэмцэх үндэсний хөтөлбөр (СТҮХ)-ийн үнэлгээг ДЭМБ-ын Номхон далайн баруун бүсийн оффисын дэмжлэгтэйгээр Монгол улсад хийхээр төлөвлөөд байна. Тус үнэлгээгээр СТҮХ-ийн одоогийн ололт амжилтыг үнэлэж, тулгарч буй асуудал, бэрхшээлийг тодорхойлох юм. Түүнчлэн хөтөлбөрийг боловсронгуй болгоход дэмжлэг үзүүлэхийн зэрэгцээ КОВИД-19 цар тахлын сүрьеэгийн хөтөлбөрийн хэрэгжилтэнд үзүүлж буй үр нөлөөг тодорхойлон, зөвлөмж боловсруулж, 2021-2030 он хүртэлх үндэсний хөтөлбөрийн стратегийн тэргүүлэх зорилтуудыг хангахад цаашид авах арга хэмжээг боловсруулна. ДЭМБ-ын Номхон далайн баруун бүсийн оффис, Монгол улс дахь Суурин төлөөлөгчийн газар, Глобаль Сан, ЭМЯ, ХӨСҮТ, Нийслэлийн эрүүл мэндийн газрын үнэлгээний хамтарсан баг сонгогдсон аймаг, дүүргүүдэд энэ оны 9 сарын 20-28-ны өдрүүдэд ажиллах юм.