World Tuberculosis Day

World Tuberculosis Day

Observed on 24 March

WHO Nepal/A.Maharjan
A portrait of a drug-resistant tuberculosis (TB) patient in Bagmati Province, Nepal
© Credits

विश्व क्षयरोग दिवस २०२५

 

हरेक वर्ष मार्च २४ मा मनाइने विश्व क्षयरोग दिवसले संसारकै सबैभन्दा प्राणघातक सङ्क्रामक रोग - क्षयरोग अन्त्य गर्ने आवश्यकतालाई जोडदार रूपमा उठान गर्छ । क्षयरोगले विश्वभर लाखौँ मानिसलाई प्रभाव पारिरहेको छ, जसले

गम्भीर स्वास्थ्य, सामाजिक र आर्थिक परिणामहरु निम्त्याएको छ ।

यस वर्षको मूल नारा “हो ! हामी क्षयरोग अन्त्य गर्न सक्छौँ । लगानीको प्रतिबद्धता र सेवा प्रवाहको सुनिश्चितता, आजको अवश्यकता” आशा, आपतकालीन आवश्यकता, र जावफदेहिताका लागि एक आह्वान हो ।

 

Messages by the WHO Representative to Nepal

Latest news

मुख्य सन्देशहरू

A woman registers herself for a free tuberculosis screening at the active case-finding camp organized in Namobuddha Municipality, Kavrepalanchok
Ben Hartschuh/WHO
Dr Tedros (Director-General of WHO) attending the UN high-level meeting on TB
© Credits

प्रतिबद्धता जनाऔँ

सन् २०२३ को संयुक्त राष्ट्रसंघको उच्चस्तरीय बैठकमा नेतृत्व तहमा रहेका विश्वभरका अगुवाहरुले क्षयरोग अन्त्य गर्ने प्रयासलाई गति दिने घोषणा गरेका थिए । अब, विश्व स्वास्थ्य संगठनले सिफारिस गरेको मार्गदर्शन र नीतिहरूको शिघ्र कार्यान्वयन, राष्ट्रिय रणनीतिहरूको सबलीकरण, र पूर्ण आर्थिक सहयोग लगायतका ठोस कदम चाल्न आवश्यक छ ।

A woman registers herself for a free tuberculosis screening at the active case-finding camp organized in Namobuddha Municipality, Kavrepalanchok
WHO Nepal/A.Maharjan
A glimpse from the event - Meeting on Renewed TB Response - in Bagmati Province, Nepal.
© Credits

लगानी गरौँ

पर्याप्त आर्थिक लगानी बिना क्षयरोग पराजित गर्न सकिदैन । नवप्रवर्तनका लागि वित्तिय श्रोत जुटाउन, क्षयरोगको रोकथाम, उपचार तथा हेरचाहमा पहुँच सुनिश्चित गर्न र अनुसन्धान तथा नविनतालाई प्रोत्साहन गर्नका लागि दृढ र विविध दृष्टिकोण आवश्यक छ ।

A woman registers herself for a free tuberculosis screening at the active case-finding camp organized in Namobuddha Municipality, Kavrepalanchok
WHO Nepal/A.Marhajan
A healthcare worker providing medicines to a tuberculosis patient in Bagmati Province, Nepal
© Credits

परिणाम दिऔँ

प्रतिबद्धतालाई कार्यान्वयन गर्नु भनेको विश्व स्वास्थ्य संगठनले सिफारिस गरेका प्रमाणित उपायहरूको दायरा विस्तार गर्नु हो, जस्तै, प्रारम्भिक पहिचान, निदान, निरोधात्मक उपचार, र विशेषगरी औषधी प्रतिरोधी क्षयरोग सहित सबै प्रकारका क्षयरोगका लागि गुणस्तरीय हेरचाह सेवाको विस्तार गर्नु । सफलता समुदायको नेतृत्व, नागरिक समाजको सक्रियता, र विभिन्न क्षेत्रहरू बीचको सहकार्यमा निर्भर गर्दछ ।

 

 

आजैदेखि सुरु गरौं । लगानी गरौं । अहिले नै परिणाम दिऔं । हाम्रो संयुक्त प्रयासले हो ! हामी क्षयरोगको अन्त्य गर्छौं ।

विश्व क्षयरोग दिवसबारे पृष्ठभूमि

  • क्षयरोग संसारका सबैभन्दा प्राणघातक संक्रामक रोगहरू मध्ये एक हो।
  • प्रत्येक दिन, करिब ३,४२५ जनाको क्षयरोगका कारण ज्यान जाने गरेको छ, र रोकथाम र उपचार गर्न सकिने यस रोगबाट करिब ३०,००० व्यक्तिहरू बिरामी हुने गरेका छन्।
  • नेपालमा सन् २०२३ मा क्षयरोगबाट अनुमानित १६,००० भन्दा बढी मानिसको मृत्यु भएको थियो भने करिब ६८,००० मानिसहरु क्षयरोगबाट बिरामी भएका थिए।
  • क्षयरोग अन्त्य गर्ने विश्वव्यापी पहलहरूले सन् २००० देखि करिब ७ करोड ९० लाख मानिसहरूको जीवन बचाएका छन् । सन् २०२२ मा क्षयरोगको निदान र उपचार सेवाहरूको विस्तारमा विश्वभर उल्लेखनीय पुनरागमन भएको  थियो । यसले कोभिड–१९ का कारण क्षयरोग सम्बन्धी सेवाहरुमा भएका नकरात्मक प्रभावलाई कम गर्दै पुनः प्रगती भएको प्रोत्साहन जनाउने प्रवृत्तिको संकेत गरेको छ।
  • आफ्नो पछिल्लो क्षयरोग सम्बन्धी विश्वव्यापी प्रतिवेदन (Global Tuberculosis Report) मा विश्व स्वास्थ्य संगठनले सन् २०२३ मा ८२ लाखभन्दा बढी क्षयरोगका बिरामीहरूले  निदान र उपचारको पहुँच प्राप्त गरेको उल्लेख गरेको छ, जुन सन् २०२२ मा ७५ लाख र सन् २०२० मा  ५८ लाख र सन् २०२१ मा ६४ लाखको तुलनामा निकै बढी हो । त्यसैगरी, विश्वव्यापी रुपमा क्षयरोगका बिरामीको अनुमानित संख्या र क्षयरोग निदान भएका बिरामीको संख्यामा अझै ठूलो अन्तर छ।
  • त्यसैगरी, संयुक्त राष्ट्रसंघको महासभाको उच्चस्तरीय बैठकले क्षयरोग अन्त्यको लागि नयाँ लक्ष्यहरूमा सहमति जनाएको छ र हामीले TB Vaccine Accelerator Council सुरु गरेका छौं, जसले क्षयरोग विरुद्ध नयाँ खोपहरूको विकास, अनुमोदन र समान उपयोगलाई प्रोत्साहन गर्नेछ।
  • यद्यपि, महामारी र जारी युद्धका कारण सन् २०१८ मा तय गरिएका क्षयरोग सम्बन्धी विश्वव्यापी लक्ष्यहरू अनुरुप पर्याप्त उपलब्धि हासिल हुन सकेन। 

Related videos

Fighting Tuberculosis in Nepal’s Flood-Affected Districts

Tuberculosis (TB) Explained

News from Nepal

Global News